 (13)_1727965004.gif)
धरान : साविक याङशिला गाविस(हाल केराबारी गाउँपालिका ४ र ५) क्षेत्र प्राकृतिक सौन्दर्यले भरिपुर्ण छ । ग्रामिण पर्यटनको प्रचुर सम्भावना बोकेको भएपनि उचित प्रचारप्रसार एवं प्रर्वद्धन अभावले याङशिलाको सुन्दरता ओझेलमा छ ।
याङशिला पदयात्रा, साइक्लिङ र मोटर यात्राको लागि आकर्षक गन्तव्य बन्नसक्छ । याङशिला जाने ४ वटा रुट छन् । धरानबाट पानमारा, सतिसाले हुदै जान सकिन्छ भने केराबारी बजार हुदै खदम खोला निस्केर पनि जान सकिन्छ । यस्तै, मोरङ र धनुकटाको सिमानामा अवस्थित ओख्रे हुदै र अर्को रुट धरानको वडा ४ स्थित हर्दिया, सुमनटार हुदै पनि पुग्न सकिन्छ । प्रकृति, ग्रामिण परिवेश एवं वातावरणसँग रमाउदै पदयात्रा गर्नु, साइक्लिङ वा मोटरमा गुड्नु स्वर्गिय आनन्दको अनभूति हुन्छ ।
याङशिलामा पर्ने धुस्कुटे गाउँ, पिङ डाँडाबाट देखिने सुर्योदय, खोल्याङ गाउँ, चनौटेस्थित गुम्बा र तोप थुम्की डाँडाले पर्यटकीय आकर्षण हो । यस्तै, मिनि भेडेटारको उपमा पाएको चिउरी भञ्ज्याङ र नजिकैको सप्तकन्या गुफा यहाँको प्रमुख पर्यकटीय गन्तव्य हुन् । चर्चित ओख्रे टावर पनि मोरङ( याङशिला )पटि नै पर्छ । याङशिला घुम्नको लागि अहिले उपयुक्त समय हो । जाने होइन त तपाईहरु पनि याङशिला घुम्न ?
तस्बिरहरु: सनम तामाङ
