 (13)_1727965004.gif)
धरान: एक नम्बर प्रदेशको राम्रो हिलस्टेशन हो, गुफापोखरी । गुराँसको राजधानी भनिने तीनजुरे-मिल्के-जलजलेको केन्द्र भाग हो । यो क्षेत्रमा २८ प्रजातिका गुराँस पाईन्छन् । समुद्री सतहदेखी २८९० मिटर उचाईमा रहेको डाँडामा यो पोखरी अवस्थित छ ।
यो मौसममा गुफापोरखीमा कुम्भकर्ण र मकालु हिमालको छाँया छप्प बसेको देखिन्छ । धरान-बसन्तपुर हुदै ताप्लेजुङ जोडिने बाटोका कारण यहाँको यात्रा सहज बन्दै गएको छ । विगतमा पर्यटकहरू बसन्तपुरबाट करिब छ घण्टा हिडेर यहाँ पुग्थे । यतिबेला धरानबाट नै ६ घण्टामा सवारी साधनबाट गुफापोखरी पुगिन्छ । अझ यो बाटो कालोपत्रे बन्ने क्रममा छ । बाटो कालोपत्रे भएपछि यहाको यात्रा झनै सहज हुनेछ ।
गुफापोखरी वर्षाका दिन बाहेक वर्षका अरू सबै समय घुम्न र रमाउन उपयुक्त छ । हिउँदमा यहा डम्म हिउँ पर्दछ भने चैत्र बैशाखमा वरीपरी गुराँस फुलेर रातै देखिन्छ । असोज पछाडि हिमाल पहाड र सुर्योदय हेर्न यहाँ अनुकुल हुन्छ । धरानबाट ११८ किमिको दुरीमा रहेको गुफापोखरी हुदै ताप्लेजुङसम्म जान सकिने गरी सडक निर्माण भएको छ ।
शब्द /तस्बिर: बासुदेव वराल
