_1725945816.gif)
धरान:टिकाराम कुरुम्बाङद्धारा लिखित लिम्बू जातीको मुन्धुम सम्बन्धी पुस्तक “साम्जिक मुन्धुम”को शुक्रबार विमोचन भएको छ ।
धरानको होटल ड्रिमल्याडमा आयोजिक कार्यक्रममा किरात याक्थुङ चुम्लुङ लिम्बुवान प्रदेश समिति अध्यक्ष प्राध्यापक धुब्र सुब्बाको प्रमुख आतिथ्यतामा पुस्तकको विमोचन भएको हो । पुस्तकमा लिम्बूहरुले जन्मदेखि मृत्युसम्म गरिने विभिन्न संस्कार तथा सँस्कृति सम्बन्धी मुन्धुमहरु संग्रहित गरीएको छ । कार्यक्रममा किरातयाक्थुङ चुम्लुङका केन्द्रीय उपाध्यक्ष कमल तिगेलाले मुन्धुम लिम्बूहरुको एक सामाजिक इतिहास भएकोले संरक्षण गर्दै लैजानुपर्ने धारणा राखे । उनले येबा, साम्बाहरु लोप हुदै जान थालेकोमा चिन्ता प्रकट गर्दै यस्ता कृतिहरुले मुन्धुम लिखितरुमा संग्रहित हुने बताबताए । उनले भने,“यस्ता पुस्तकहरु लिम्बु जातीको सम्पत्तिकोरुपमा लिनुपर्छ ।”
यसैगरी चुम्लुङका संस्थापकमध्येका एक एवं चुम्लुङ सल्लाहकार नरप्रसाद लुम्फुङबाले पुस्तकमाथि टिप्प्णी गर्दै लिम्बूहरुको मुन्धुममा वर्णन भएका ठाँउहरुलाई पनि संरक्षण गर्दै पर्यटकीयस्थलको रुपमा विकास गरेर जानुपर्ने बताए । यसो गर्दा लिम्बुहरुको साँस्कृतिक थलोहरु पनि जोगिने र पर्यटन विकास पनि हुने उनको भनाई थियो । 'अब हामीले त्यतातिर पनि ध्यान दिनुपर्छ,'उनले भने । प्रमुख अतिथि सुब्बालेले ८४ वर्षिय वयोवृद्धले लिम्बुहरुको मुन्धुम सम्बन्धी पुस्तक लेखेर लिम्बु समाजमा एक इटा थप्ने काम गरेको प्रसंसा गर्दै पुस्तक लिम्बू समुदायले सम्पत्तिकोरुपमा ग्रहण गर्दै जाने बताए । पुस्तक साम्जिक मुन्धुम चुम्भोले प्रकाशन गरेको हो । पुस्तक १५२ पृष्ठको रहेको छ । कार्यक्रम साम्जिक मुन्धुम चुम्भोका अध्यक्ष मानवीर लङ्वाको अध्यक्षतामा र सचिव हितराम तिल्लिङको सञ्चालनमा सम्पन्न भएको थियो ।
