_1725945816.gif)
इटहरी : “भ्रमण बर्षको सफलता, सुचना प्रबिधिको उपयोगीता” भन्ने नाराका साथ क्यान इन्फोटेक मेला सुरु भएकोछ । भ्रमण बर्षमा सुचना प्रविधिका विषयमा जानकारी गराउन भन्दै सुनसरीको इटहरीमा पाँच दिने क्यान इनफोटेक मेला बुधबार सुरु भएको हो ।
कम्प्युटर एसोसियसन नेपाल महासंघ सुनसरीको आयोजना तथा क्यान प्रदेश नम्बर १ को संयोजनमा आयोजित मेला ५ दिन सम्म चल्ने भएको छ । प्रदेश १ का आन्तरिक मामिला तथा कानुन मन्त्री हिकमत कार्कीले उद्घाटन गरेको मेलामा ७० बढी स्टल रखिएको छ । सुचना र प्रविधिको क्षेत्रमा भईरहेको विकासलाई समेट्ने गरी आयोजना गरिएको मेलाले नेपाली युवा प्राबिधिकलाई प्रोत्साहन गर्ने मन्त्री कार्कीले बताए । कार्यक्रममा सम्बोधन गर्दै उनले प्रदेश १ मा सुचना प्रविधिका विषय विद्यालय तहमा मात्र नभएर बाहिर पनि उच्च प्रविधि पुर्याउने योजना सुनाए।
सुचना प्रविधिका क्षेत्रमा उच्च प्रविधिका लागि प्रदेश सरकारले नितिगत तथा कानुनी व्यवस्था मिलाएर आर्थिक लगानी गर्दै जाने उनले बताए । प्रदेश १ कै विकसीत सहरका रुपमा उदाउदो इटहरीमा सुचना प्रविधि सम्वन्धी ठुलो प्रर्दशनी कक्ष बनाउन समेत प्रदेश सरकार तयार रहेको मन्त्री कार्कीको भनाइ छ ।
मेलामा आईटी एक्ससरिज, गेम पार्लर, प्रडक्ट लञ्चिंग, रकेट प्रर्दशनी रोबोटिक्स, इ वेष्ट म्यानेजमेन्ट, वाईफाई, इन्टरनेट र लर्निंग सेन्टर लगायतको बिभिन्न उच्च प्रविधिका सामग्रीहरुका स्टल रहेका छन । त्यसै गरी मेलामा कम्प्युटर एक्सेसरिज, एन्टि भाइरस सफ्टवेयर बैंकिंग सोलुसन, सीसीटीभी र हार्ड डिस्क जस्ता उत्पादनहरु प्रदर्शन गरिएको छ ।
