_1725945816.gif)
धरान : उपमहानगरपालिका वडा नं. १४ विजयपुरमा (गाड धन) खजाना फेला परेको छ ।
धरान १४ विजयपुरमा रहेको पिण्डेश्वर विद्यापीठ भुपी परिसरमा संरचना बनाउनकालागि जग खन्ने क्रममा खन्दै जाँदा काम गर्नै कामदारले नै १ सय ६० थान पुरानो तामाका सिक्का फेला परेको वडा नं. १४ का वडाध्यक्ष कृष्णप्रसाद भट्टराईले बताए ।
१ सय ६० थान सिक्का सँगै एउटा तामाको बाला, ढुङ्गा जस्तो सानो डोली पैसा पनि भेटिएको छ । जग खन्ने क्रममा जमिनमुनि भेटिएको सो खजाना सिक्कामा सुरेन्द्र विक्रम शाह लेखिएको र इष्ट इन्डिया कम्पनी लेखिएको छ ।
भेटिएको पुरानो सामाग्री प्रहरी चौकी विजयपुरमा मुचुल्का उठाई सुरक्षित राखिएको १४ नम्बर वडाध्यक्ष कृष्णप्रसाद भट्टराईले बताएका छन् ।
