 (13)_1727965004.gif)
इटहरी : सामाजिक कार्यमा क्रियाशील इटहरीमा लायन्स र लियो क्लब एक्टिभ र सिटिजन्स एक्टिभ क्लबले इटहरीका बढी भिडभाड हुने क्षेत्रमा नियमित सेनिटाइज गर्ने भएका छन् ।
लायन्स,लियो क्लब अफ इटहरी एक्टिभ,लायन्स र लियो क्लब अफ इटहरी सिटिजन्स,लायन्स क्लब अफ इटहरी शान्तिनगर तथा कमान्डो सेक्युरिटी परिवार मिलेर इटहरी मुक्ति धाम र इलाका प्रहरी कार्यालयमा दैनिक रूपमा सेनिटराइज गर्न थालिएको लायन्स क्लब अफ एक्टिभकी अध्यक्ष रञ्जु सिग्देलले बताइन ।
उनका अनुसार इटहरीका २० वटै वडाका भिडभाड हुने स्थानमा सेनिटराइज गर्ने अभियानमा सुरु गरिएको हो । आज उक्त समूहले मुक्ति धाम क्षेत्र, इलाका प्रहरी कार्यालय इटहरी परिसर, प्रहरी विट तरहरा, तरहरा बजार र हलगडा प्रहरी विटमा सेनिटाइज गरेका छन् ।
इटहरीका धेरै युवाहरू समावेश भएको लायन्स र लियो क्लब इटहरी एक्टिभ र सिटिजन्सले कोरोना विरुद्धको लडाइमा विभिन्न कार्य गर्दै आएको अध्यक्ष सिग्देलले बताइन ।
उनका अनुसार इटहरीका विभिन्न वडाहरूमा मास्क वितरण, कोरोना सम्बन्धी सचेतना कार्यक्रम , अनलाइन तालिम र कोरोना सङ्क्रमित सङ्ग अन्तर्क्रिया समेत गरिएको छ ।
पत्रकार महासङ्घ सुनसरीलाई फेस शिल्ड, स्यानिटाइजर, मास्क हस्तान्तरण र इटहरीका हरेक प्रहरी बिट, ट्राफिक कार्यालयमा मास्क र फेस शिड वितरण समेत गरिएको सिग्देलले जानकारी दिइन ।
क्लबले आवश्यकता परेको वेला खाद्यान्न वितरण तथा रगत अभाव भएको वेला रक्तदान कार्यक्रम गरेर रगत अभाव पूर्ति गर्न समेत सहयोग गरेको साथै सरसफाइ, वृक्षारोपण, वृक्ष गोडमेल लगायतका कार्य समेत गर्दै आएको छ ।
