_1725945816.gif)
धरान : धरानमा दुग्धजन्य उत्पादनको विक्री गर्न सत्यम डेरी उद्योग आज देखि सञ्चालनमा आएको छ ।
धरान-९ को आचार्य लाइनमा खुलेको उद्योगको उद्घाटन धरान उपमहानगरपालिका ९ नम्बर वडाका वडाध्यक्ष रत्न कटुवालले उद्घाटन गरेका थिए ।
उद्घाटन पछि बोल्दै कटुवालले स्थानीय उपभोक्तालाई दुग्धजन्य पदार्थहरू गुणस्तरीय र सुलभ दरमा उपलब्ध गराउने विश्वास लिएको बताए ।
अहिले दुग्धजन्य पदार्थहरू गुणस्तरीय नहुने जनगुनासो आउने गरेको भन्दै उनले सत्यम डेरी उद्योगले त्यस्ता गुनासोहरूलाई आउन नदिने तर्फ आफूलाई स्थापित गर्ने विश्वास लिएको बताए ।
सत्यम डेरी उद्योगले धरानका आफ्ना उपभोक्तालाई दूधजन्य पदार्थको शुद्धतामा कमजोरी हुन नदिने सङ्कल्प लिएको उद्योगका निर्देशक योगेशबाबु काफ्लेले बताए ।
स्थानीय उत्पादन उपभोक्ताले खोजेजस्तै गरी उपलब्ध गराउने उद्देश्य लिएर डेरी उद्योग सञ्चालनमा ल्याएको काफ्लेले बताए । उद्योगका बजार निर्देशक ऋषिराज निरौलाले सत्यम डेरीले उपभोक्ताको माग बमोजिम गाई तथा भैसिको दूध उपलब्ध गराउने बताए ।
‘हामीसँग किसानहरूबाट सङ्कलन गरेर ल्याइएको ताजा दूध र त्यसबाट उत्पादन हुने दही,घ्यु,मोही,पनिर जस्ता उत्पादनहरू छन्’ उनले भने ‘यी कुनै पनि उत्पादनमा एक प्रकारको गुणस्तर रहने छ ।
निरौलाका अनुसार सत्यम डेरीले कामधेनु दुग्धका ग्राहकहरूलाई पनि सेवा दिने छ । हामी कामधेनु दग्धको पनि आधिकारिक विक्रेता हौ कामधेनुका उपभोक्ताले पनि हामीबाट सेवा लिन सक्नेछन् । उनले अब धरानमा आफ्नो शाखा विस्तार गर्ने र उपभोक्तालाई गुणस्तरीय बस्तु दिने बताए ।
