 (13)_1727965004.gif)
धरान : नेपाल पत्रकार महासङ्घको २६औँ महाधिवेशनमा नेपाल प्रेस युनियन, प्रेस सङ्गठन नेपाल लगायतका सङ्गठनले संयुक्त रूपमा उम्मेदवारी दर्ता गराएका छन् ।
संयुक्त गठबन्धनको तर्फबाट अध्यक्षमा विपुल पोखरेल, वरिष्ठ उपाध्यक्षमा रमेश विष्ट, महिला उपाध्यक्ष बाला अधिकारी, समावेशी उपाध्यक्षमा उदय जिएम र महासचिवमा रोशन पुरीले उम्मेदवारी दर्ता गरेका छन् ।
खुला सचिवमा गोविन्द चौलागाईं, महिला सचिवमा सिर्जना अर्याल, आदिवासी, जनजाति सचिवमा नारायण किलम्बु, मधेसी सचिवमा दीपेन्द्र चौहान, दलित सचिवमा हेमकर्ण विकले उम्मेदवारी दर्ता गरेका छन् ।
यस्तै कोषाध्यक्षमा कलेन्द्र सेजुवाल उम्मेदवारी दर्ता गराउँदा लेखा समितिको संयोजकमा लेखनाथ न्यौपाने उम्मेदवारी दर्ता गराएका छन् । स्वतन्त्र रूपमा गजेन्द्र बुढाथोकीले अध्यक्ष पदमा उम्मेदवारी दिएका छन् ।
खुल्ला उपाध्यक्षमा धुव्र लम्साल, समावेशी उपाध्यक्षमा शीतलप्रसाद महतो र कोषाध्यक्षमा प्रकाश थापाले उम्मेदवारी दिएका छन् ।
नेपाल पत्रकार महासङ्घको २६ औँ महाधिवेशनमा प्रगतिशील-व्यावसायिक-समावेशी-राष्ट्रवादी समूहका तर्फबाट निर्मला शर्माले अध्यक्षमा उम्मेदवारी दिएकी छन् ।
महासङ्घको इतिहासमा हालसम्म महिला अध्यक्ष भएका छैनन् । प्रेस चौतारी नेपाल, प्रेस मञ्च नेपाल, जन पत्रकार सङ्गठन नेपाल र मिडिया नेपालको समर्थनमा सञ्चारीका समूहका पूर्व अध्यक्ष रहेकी शर्माले उम्मेदवारी दिएकी हुन् ।
सो समूहबाट वरिष्ठ उपाध्यक्षमा माधव नेपाल, उपाध्यक्ष महिलामा दाना केसी, उपाध्यक्ष समावेशीमा अवदेशकुमार झा, महासचिवमा बालकृष्ण बस्नेत, सचिव खुल्लामा रामकृष्ण ज्ञवाली, सचिव महिलामा निमा काफ्ले, सचिव आदिवासी जनजातिमा शाहीमान राई, सचिव मधेसीमा श्वेता सिन्हा, सचिव दलितमा मधु शाही, सचिव एशोसियटमा रामेश्वर कार्की, कोषाध्यक्षमा कृष्ण गिरी र लेखा समिति संयोजकमा द्वारिका काफ्लेले उम्मेदवारी दिएका छन् ।
महासङ्घको निर्वाचन यही चैत २५ गते हुँदैछ ।
नामावली :
