विराटनगर : प्रदेश १ मा आज ४६९ जना कोरोना सङ्क्रमणमुक्त भएका छन् ।

सङ्क्रमणमुक्त हुनेमा २०५ महिला र २६४ पुरुष रहेका छन् । हालसम्म सङ्क्रमणमुक्त हुनेको सङ्ख्या ७० हजार ८५३ पुगेको छ ।

प्रदेश १ मा आज १६१ जना कोरोना सङ्क्रमित थपिएका छन् । ६७९ जनाको पीसीआर परीक्षण गर्दा ७१ महिला र ९० पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।

मन्त्रालयका अनुसार सुनसरीमा ९२, मोरङमा ३४, झापामा २३, धनकुटामा ६, भोजपुर, उदयपुर र तेह्रथुममा १-१ र प्रदेश १ बाहिरका ३ जनामा सङ्क्रमण पुष्टि भएको छ ।

सुनसरीको धरानमा ५५, वराहक्षेत्रमा २४, इटहरीमा ३, दुहबीमा १ र स्थानीय तह नखुलेका ९, मोरङको विराटनगरमा २२, पथरीशनिश्चरेमा ७, केराबारी, बेलबारी, उर्लाबारी, कटहरी र सुन्दरहरैचामा १–१, झापाको मेचीनगरमा ८, भद्रपुरमा ६, बिर्तामोडमा ५, दमकमा ४, धनकुटाको धनकुटा नगरपालिकामा र पाख्रिवासमा २–२, छथर र चौबिसेमा १–१, भोजपुरको भोजपुर नगरपालिका, उदयपुरको चौदण्डीगढी र तेह्रथुमको लालीगुराँसमा १–१ र प्रदेश १ बाहिरका ३ जनामा सङ्क्रमण पुष्टि भएको मन्त्रालयले जनाएको छ ।

प्रदेश १ मा कोरोना सङ्क्रमितको सङ्ख्या ७७ हजार ९३७ पुगेको छ । सक्रिय सङ्क्रमितको सङ्ख्या ५ हजार ६३७ रहेको मन्त्रालयले जनाएको छ ।