_1725945816.gif)
धरान : कोरोनाको दोस्रो लहर सुरु भए यता सुनसरीमा अहिले सम्म १४ हजार ९९ जनामा कोरोना सङ्क्रमण पुष्टि भएको छ भने ३ सय ६ जनाको मृत्यु भएको छ ।
स्वास्थ्य कार्यालय सुनसरीले दिएको जानकारी अनुसार सङ्क्रमणको तथ्याङ्कलाई हेर्ने हो भने सबै भन्दा बढी धरान उपमहानगरपालिकामा साढे ३ महिनाको अवधिमा ५ हजार ५२ जनालाई कोरोना सङ्क्रमण भएको छ भने १ सय २४ जनाको मृत्यु भएको छ । सुनसरी जिल्लाकै १२ पालिका मध्ये धरान कोरोना सङ्क्रमणको उच्च विन्दुमा रहेको छ ।
इटहरी उपमहानगरपालिकामा दोस्रो लहरबाट ४ हजार ८ सय ६० जनामा कोरोना सङ्क्रमण पुष्टि भएको छ भने ७९ जनाको मृत्यु भएको छ । इटहरी धरान पछि दोस्रो उच्च सङ्क्रमित रहेको पालिका बनेको छ । इटहरी पछि सुनसरी सदरमुकाम इनरुवा नगरपालिकामा १ हजार १ सय ५५ जनामा कोरोना सङ्क्रमण पाईएको छ भने २८ जनाको मृत्यु भएको छ ।
वराहक्षेत्र नगरपालिकामा ७ सय ७९ जनामा कोरोना सङ्क्रमण भएको मध्ये २६ जनाको मृत्यु, रामधुनी नगरपालिकामा ५ सय ३३ जनामा सङ्क्रमण १३ जनाको मृत्यु, दुहबी नगरपालिकामा ४ सय २६ जनामा सङ्क्रमण १० जनाको मृत्यु, बर्जू गाउँपालिकामा २ सय ७८ जनामा सङ्क्रमण ३ जनाको मृत्यु, देवानगञ्ज गाउँपालिकामा २ सय ५० जनामा सङ्क्रमण ३ जनाको मृत्यु, गढी गाउँपालिकामा १ सय ७० जनामा सङ्क्रमण ८ जनाको मृत्यु भएको छ ।
यसै गरी भोक्राहानरसिंह गाउँपालिकामा १ सय ३४ जनामा सङ्क्रमण ६ जनाको मृत्यु, कोसी गाउँपालिकामा १ सय २५ जनामा सङ्क्रमण, ४ जनाको मृत्यु, हरीनगरा गाउँपालिकामा १ सय १ जनामा सङ्क्रमण २ जनाको मृत्यु भएको छ भने सुनसरीको स्थानीय तह नखुलेका २ सय ३६ जनामा पनि कोरोना सङ्क्रमण पुष्टि भएको स्वास्थ्य कार्यालय सुनसरीले जनाएको छ ।
कोरोनाको दोस्रो लहर वैशाख यता अहिले सम्म सुनसरी जिल्लामा १४ हजार ९९ जनामा कोरोना सङ्क्रमण भएको र ३ सय ६ जनाको मृत्यु भएको स्वास्थ्य कार्यालयको तथ्याङ्कमा उल्लेख छ ।
पछिल्लो समय निषेधाज्ञा खुकुलो भएसँगै सुनसरीमा कोरोना संक्रमणदर उच्च बन्दै गएको स्वास्थ्य कार्यालय सुनसरीका प्रमुख सागर प्रसाईँले जानकारी दिए । सर्वसाधारणको अटेरीपन र लापर्वहीले गर्दा संक्रमणदर सँगै मृत्यु दर पनि उच्च हुँदै गएको छ ।
