_1725945816.gif)
विराटनगर : प्रदेश १ मा २३७ जनामा कोरोना सङ्क्रमण भएको छ ।
७७३ जनाको पीसीआर परीक्षण गर्दा १९१ र २८४ जनाको एन्टिजेन परीक्षण गर्दा ४६ जनामा सङ्क्रमण देखिएको सामाजिक विकास मन्त्रालयले जनाएको छ ।
मन्त्रालयका अनुसार पीसीआर परीक्षणका आधारमा मोरङमा ८२, झापामा ६७, सुनसरीमा ३२, इलाममा ३, पाँचथरमा २, धनकुटा, भोजपुर, उदयपुर, सङ्खुवासभा र प्रदेश १ बाहिरका १–१ जनामा सङ्क्रमण देखिएको हो ।
मोरङको विराटनगरमा ४८, सुन्दरहरैचामा २६, बेलबारीमा ४, उर्लाबारीमा २, ग्रामथान र पथरीशनिश्चरे १-१, झापाको बिर्तामोडमा ११, अर्जुनधारामा १०, मेचीनगर र कनकाईमा ९-९, दमकमा ८, शिवसताक्षीमा ५, बुद्धशान्ति र कमल गाउँपालिकामा ३-३, गौरादह, बाहृदशी र झापा गाउँपालिकामा २-२, भद्रपुर, कचनकवल र हल्दिबारीमा १-१, सुनसरीको इटहरीमा २७, वराहक्षेत्रमा २, बर्जू, रामधुनी र गढीमा १-१, इलामको इलाम नगरपालिकामा २ र रोङमा १, पाँचथरको हिलिहाङ र फिदिममा १-१, धनकुटाको चौबिसे, भोजपुरको आमचोक, उदयपुरको बेलका, सङ्खुवासभाको खाँदवारि र प्रदेश १ बाहिरका १-१ जनाको रिपोर्ट पोजेटिभ आएको मन्त्रालयले जनाएको छ ।
प्रदेश १ मा आज ३०४ जना कोरोना सङ्क्रमणमुक्त भएका छन् । सङ्क्रमणमुक्त हुनेमा १६१ महिला र १४३ पुरुष रहेका छन् ।
पछिल्लो २४ घण्टामा कोरोना सङ्क्रमणबाट ५ जनाको मृत्यु भएको छ । मृत्यु हुनेमा २ महिला र ३ पुरुष रहेको सामाजिक विकास मन्त्रालयले जनाएको छ ।
