_1725945816.gif)
धरान : नेपाली काँग्रेसको १४ औँ महाधिवेशन अन्तरगत सुनसरी जिल्लाको क्षेत्र नं. १ को (क) र (ख) को प्रदेशसभा निर्वाचन धरानमा अहिले जारी छ ।
सुनसरी क्षेत्र नं. १ को (क) र (ख) समूहको प्रदेशसभा निर्वाचन अहिले धरान ८ को धरान सभागृह र धरान १७ स्थित एन्फा एकेडेमीमा भइरहेको छ ।
सुनसरी क्षेत्र नं. १ को (क) बाट ३६७ जना र (ख) बाट २५२ जना गरी ६१९ जना मतदाताहरूले अहिले मतदान गरिरहेका छन् । नेपाली काँग्रेस सुनसरी क्षेत्र नं. (क) बाट सभापतिमा अनिल श्रेष्ठ र मदन ढकालको उम्मेदवारी परेको छ भने (ख) बाट मुरारी भट्टराई र अजय राईको उम्मेदवारी परेको छ।
काँग्रेसको प्रदेशसभा निर्वाचन अन्तर्गत भइरहेको मतदान दिउसो ३ बजे सम्पन्न हुने र मतदान स्थलमै मतगणना हुने नेपाली काँग्रेस धरान उपमहानगरका सभापति श्याम पोख्रेलले जानकारी दिए ।
तस्बिर : मात्रिका प्रसाद नेपाल
