धरान : झापाको कनकाई नगरपालिका-३ पवित्रा पेट्रोल पम्प स्थित पूर्वपश्चिम राजमार्गमा बोलेरोको ठक्करबाट मोटरसाइकल चालकको मृत्यु भएको छ ।

मृत्यु हुनेमा झापा कनकाई नगरपालिका-६ का ६० वर्षीय कविराज बोहोरा रहेका छन् । हिजो दिउसो २ बजे पूर्वबाट पश्चिमतर्फ आउँदै गरेको मे ९ प ६५१९ नम्बरको मोटरसाइकललाई सोही दिसा पछाडिबाट आउँदै गरेको मे १ ज १४०५ नम्बरको बोलेरो गाडीले ठक्कर दिएको थियो ।

बोलेरोको ठक्करबाट घाइते भएका बोहोराको विएण्डसी अस्पतालमा उपचारको क्रममा बेलुका साढे ७ बजे मृत्यु भएको हो । सो दुर्घटनाबाट बोलेरोमा सवार ४ जना यात्री समेत घाइते भएका छन् घाइतेहरूको बिर्तामोडको विभिन्न अस्पतालमा उपचार भइरहेको छ ।

बोलेरो र चालक इलाम देउमाई नगरपालिका १ का २७ वर्षीय निमेष गुरुङ इलाका प्रहरी कार्यालय सुरुङ्गाको नियन्त्रणमा रहेको छ ।