_1725945816.gif)
चतरा : राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले वराहक्षेत्र नगरपालिकाको स्थानीय सरकार भ्रष्टाचारमा चुर्लुम्म डुबेको टिप्पणी गरेका छन्। नगरपालिका भित्र भएका बेतिथिबारे खोतल्दै स्थानीय सरकारसँग खर्च विवरण माग्न र अहिले सम्म कुन क्षेत्रमा कति विकास भए त्यसको हिसाब किताब राख्न पनि नगरवासीलाई प्रवक्ता शाहीले अनुरोध गरे।
सोमवार सुनसरी वराहक्षेत्र नगरपालिका चक्रघट्टिमा आयोजित राप्रपाको विशाल सभालाई सम्बोधन गर्दै शाहीले वराहक्षेत्र भ्रष्टाचारमा चुर्लुम्म डुबेको आरोप लगाएका हुन् ।
उनले भने मैले यहाँ भएको भ्रष्ट्राचार प्रमाण सहित प्रस्तुत गरेको थिए । मलाइ यहाँका जनप्रतिनिधिबाट ज्यान मार्ने दम्की आएको थियो । यिनलाई कारबाही गर्नु पर्ने थियो । तर कारबाही गर्ने संयन्त्रमा यिनलाई संरक्षण गर्ने मान्छे छन् । अब यी भष्ट्रचारीलाई संरक्षण गर्ने वा सत्ताबाट फाल्ने तपाईँको हातमा छ।
सम्बोधनकै क्रममा शाहीले नेपाली जनतालाई अब अन्य पार्टीको पछि नलाग्न आग्रह गर्दै राप्रपालाई भोट दिनसमेत आग्रह गरे । उनले राप्रपा हिन्दु राष्ट्र स्थापना सँगै राज संस्थाको पुनर्स्थापना जोड दिँदै आएकोले नेपाली जनताको भावना यही आफ्नो पार्टीले मात्र बुझ्ने जिकिर गरे।
