धरान : नेकपा (एकीकृत समाजवादी) पार्टीले चुनावी तयारी तीव्र पारेको छ । बेलबारी नगर कमिटीले गठबन्धन नभए एक्लै भए पनि उम्मेदवार हुनेगरि तयारी थालेको हो। 
सोही क्रममा बुधवार नगर कमिटीले बुद्ध गुम्बामा प्रशिक्षण कार्यक्रमको आयोजना गरेका छ । नेकपा एस प्रदेश कमिटीका कार्यवाहक अध्यक्ष धर्मराज निरौलाको प्रमुख आतिथ्यतामा आयोजित कार्यक्रममा नेकपा एसको रणनीतिको बारेमा छलफल भएको हो । बेलबारीका ११ वटै वडाका अध्यक्ष लगायत पदाधिकारी सहभागी कार्यक्रममा प्रदेश १ का यातायात तथा सञ्चार मन्त्री उपेन्द्र घिमिरेले समेत प्रशिक्षण दिएका थिए। 
कार्यक्रममा बोल्दै नेताहरूले सकेसम्म गठबन्धनबाटै उम्मेदवार तय गर्ने नभए एक्लै भए पनि चुनावमा जानुपर्ने बताए । नेकपा एसबाट जनप्रतिनिधि दाबी गरिरहेका नगर सचिव अर्जुन गिरि पछिल्लो समय पार्टी मजबुत बन्दै गएको बताउँछन् । नेकपा एसको प्रभाव बढ्दै गएको कारण अब चुनावी तयारी सुरु भएको उनको भनाई छ । 
हालका जनप्रतिनिधिले गरेको व्यवहारको कारण जनता निराश भएकाले अब नेकपा एस जनताको रोजाइमा पर्ने उनको बुझाई छ । 
yes-belbari