चतरा : वराहक्षेत्र नगरपालिकामा रहेको चक्रघट्टि जेसीजले बुधवार रक्तदान कार्यक्रम आयोजना गरेको छ । 
चक्रघट्टि जेसीजको १० औ स्थापना दिवसको अवसरमा रक्तदान कार्यक्रम आयोजना गरिएको अध्यक्ष दिवस विष्टले बताए ।
चक्रघट्टि स्थित नेपाल रेडक्रस सोसाइटी महेन्द्रनगर उप–शाखासँगको सहकार्यमा आयोजना भएको रक्तदान कार्यक्रमबाट ५३ पिन्ट रगत सङ्कलन भएको कार्यक्रम संयोजक चक्रघट्टि जेसीजका कार्यकारिणी उपाध्यक्ष तेजबहादुर पुरीले बताए ।
संस्थाको स्थापना दिवसलाई मानव सेवासँग जोड्ने उद्देश्यले रक्तदान कार्यक्रम आयोजना गरिएको महासचिव सुरेन्द्र श्रेष्ठले बताए । यस अगाडि चक्रघट्टि जेसीसले सांस्कृतिक , साङ्गीतिक , खेलकुद , वृक्षारोपण , शैक्षिक , परोपकारी , क्षमता विकास लगाएको कार्यक्रम गरी सकेको छ ।
सन् २०१३ मा इनरुवा जेसीजको भातृ शाखाको रूपमा चक्रघट्टि जसेज स्थापना भएको थियो। निश्चल बस्नेत संस्थापक अध्यक्ष रहेको चक्रघट्टि जेसीजको क्रमश रमेश कार्की ,दिनेश पोखरेल , कमलनाथ दाहाल , देवकुमार चौधरी , मञ्जु आचार्य , सन्तोष चौलागाई र तीर्थराज भट्टराईले नेतृत्व गरिसकेका छन् ।