झापा : झापाको शिवसताक्षी नगरपालिका-३ धरमपुर घर भएका एक युवा साउदी अरेबियामा बेपत्ता भएका छन् । उनी साउदीको अल खर्ज साउदी अरेबिया हाईपर पाण्डा कम्पनीमा कार्यरत रहेको पारिवारिक श्रोतले जानकारी दिएको छ । 
बेपत्ता हुनेमा शिवसताक्षी नगरपालिका ३ का लक्ष्मी प्रसाद न्यौपाने रहेका छन् । प्राप्त जानकारी अनुसार उनी मानसिक तनावका कारण साउदीको राजधानी रियाद जान भनेर कोठाबाट निस्किएका थिए । उनी एक हप्ता देखी बेपत्ता भएका हुन् । 
उनी अहिलेसम्म कसैको सम्पर्कमा समेत नरहेपछि नेपालस्थित उनको परिवारले खोजी गरिदिन सबैसँग आग्रह गरेको छ ।