धरान : ताप्लेजुङमा ट्याक्टर दुर्घटना हुँदा एकै घरका दाजुभाइ सहित चार जनाको मृत्यु भएको छ।
तत्काल अल्फाबेट खुल्न नसकेको ५६५५ नम्बरको ट्याक्टर गए राती १:३० बजे जिल्लाको मैवाखोला गाउँपालिका वडा नम्बर ४ मा भिरबाट खस्दा ट्याक्टरमा सवार चार जनाको घटनास्थलमै  मृत्यु भएको प्रहरीले जानकारी दिएको छ। 
मृत्यु हुनेमा ट्याक्टर चालक मैवाखोला-५ का ३१ वर्षीय पासाङ शेर्पा, उनका भाइ २४ वर्षीय फुर्वा शेर्पा त्यस्तै सोही गाउँपालिका-४ ओदक बस्ने १७ वर्षीय लाकी शेर्पा र २२ वर्षीय शर्मिला शेर्पा रहेको प्रदेश १ ट्राफिक प्रहरी कार्यालय इटहरीले जनाएको छ ।
तेलाबुङबाट मैवाखोला ५ काम्साङ फर्कने क्रममा भिरबाट अन्दाजी २५० मिटर तल खसेको थियो । चालकको लापरबाहीले दुर्घटना भएको हुन सक्ने प्रहरीले जानकारी दिएको छ।