विराटनगर : दक्षिण कोरिया  सरकारले व्यवस्थापन गरेको एक प्रोजेक्ट सॅंग सहकार्य गरेर काठमाण्डौं विश्वविद्यालयले आयोजना गरेको ३ दिने कार्यशाला गोष्ठीमा एस्पायर कलेज, काठमाडौँ विश्वविद्यालय बिटेक एड आइटी कार्यक्रममा अध्ययनरत विद्यार्थीहरू सिन्धुली प्रस्थान गरेका छन् । 
बिटेक एड आइटीका कोअर्डिनेटर खेमनाथ खतिवडाको नेतृत्वमा ३० जना विद्यार्थी सहितको टोली सिन्धुली प्रस्थान गरेको हो । सिन्धुलीको गणपति होटेलमा सम्पन्न हुने कार्यक्रममा कोरियन विश्वविद्यालय प्रोफेसर, विद्यार्थी, काठमाडौँ  विश्वविद्यालय स्कुल अफ इन्जिनियरिङ र कम्प्युटर साइन्सका प्रोफेसर लगायतको सहभागितामा गोष्ठी सम्पन्न हुने छ । 
उक्त कार्यशाला गोष्ठीमा, डाटा माइनिङ, आर्टिफिसियल इन्टेलिजेन्स, माइक्रोसफ्ट म्याथम्याटिक्स, नेटवर्किङ र डिजिटल लजिक सम्बन्धी विषयमा तालिम तथा गहन छलफल हुनेछ भने उक्त गोष्ठीमा सहभागी बिद्यार्थीहरुले सिकेका कुरा व्यवहारमा उतार्ने छन् । 
एस्पायर कलेजका प्रिन्सिपल सीएम बस्नेतका अनुसार यस्ता प्रभावकारी कार्यक्रमहरू वर्षभरी नै चलिनै रहने र प्रभावकारी सिकाइको प्रक्रियालाई अझ बढाउँदै लैजाने कलेजको योजना रहेको छ ।