धरान : नेपाल फिजिकल ट्रेनिङ एसोसिएसन प्रदेश समिति धरानले धरान-२० मा रहेको नव निर्मित युवा क्लबलाई भौतिक सामाग्री हस्तान्तरण गरेको छ । 
धरान-२० वाघखोप स्थित सुलिकोट मार्गमा रहेको क्लबलाई ट्रेनिङ एसोसिएसनले विभिन्न भौतिक सामाग्री सहयोग गरेको छ ।
ट्रेनिङ एसोसिएसनले क्लबलाई ३ थान टेबल,२ थान तपेस, ५ थान आरी, ५ थान बाल्टी, ३ सय लिटरको क्षमता भएको २ थान पानी राख्ने हिल टेक, २ थान त्रिपाल सहयोग गरेको ट्रेनिङ एसोसिएसन समितिका सचिव विमान तामाङले बताए । सचिव तामाङले क्लबलाई ४० हजार भन्दा माथिको सामाग्री सहयोग गरेको  छ ।
समितिका अध्यक्ष पर्वत राईले भने संस्थाले विगत वर्षहरूमा पनि  सामाजिक सेवाका कार्यहरू गर्दै आएको र अबका दिनहरू पनि सामाजिक सेवाका कार्यहरू गर्दै जाने बताए ।
समितिको सहयोगबाट क्लबलाई ठुलो राहत मिलेको नव निर्मित क्लबका अध्यक्ष पदम तामाङले बताए । उनले भने गाउँघरमा हुने धार्मिक कार्यहरू, मरिमराऊ पर्दा वा सामाजिक कार्य लगायतका कार्य गर्दा घरघर पुगेर सामान बटुल्ने पर्ने समस्या थियो अब यो सहयोगले केही राहत पुग्ने भएको क्लब अध्यक्ष तामाङले बताए । क्लबमा २२ घर परिवार आबद्ध रहेको क्लबमा सचिव अमर राईले बताए ।