धरान : धरान-१७ का २७ वर्षीय युवक जीतबहादुर बुढाथोकीलाई प्रहरीले लागुऔषधमा प्रयोग हुने प्रतिबन्धित औषधी सहित पक्राउ गरेको छ ।
उनलाई धरान-१७ रेल्वे अस्थायी प्रहरी पोष्टका प्रहरी टोलीले मङ्गलवार साँझ चेकजाँच गर्दा प्रतिबन्धित औषधि सहित पक्राउ गरेको कोशी प्रदेश प्रहरी कार्यालयले जनाएको छ ।
उनको साथबाट प्रहरीले प्रतिबन्धित औषधी ७२० क्यापसुल र ८४० ट्याब्लेट बरामद गरेको जनाइएको छ ।
यसैगरी बिर्तामोड-२ का २३ वर्षीय भूपेन्द्र सिंह राजवंशी र १९ वर्षीय आशिका नेम्वाङ लिम्बुलाई ५६० मिलिग्राम लागुऔषध ब्राउनसुगर सहित प्रहरीले पक्राउ गरेको छ । उनीहरूलाई इलाका प्रहरी कार्यालय सुरुङ्गाको टोलीले पक्राउ गरेको हो ।
यस्तै पथरीशनिश्चरे-४ का ३० वर्षीय हिमाल खतिवडा र ३७ वर्षीय नरबहादुर दाहाललाई ४८० मिलिग्राम ब्राउनसुगर सहित पक्राउ गरेको छ । उनीहरूलाई इलाका प्रहरी कार्यालय पथरीको प्रहरी टोलीले पक्राउ गरेको हो ।
साथै विराटनगर-४ का २० वर्षीय पाञ्जोल घिमिरे र बिर्तामोड झापाका ३५ वर्षीय सरोज बुढाथोकीलाई ४९० मिलिग्राम ब्राउन सुगर सहित पक्राउ गरिएको छ।
प्रदेश-१-०२-०४८-प ९५०७ नम्बरको मोटरसाइकलमा सवार दुवैलाई अस्थायी प्रहरी पोष्ट मटेरुवाको प्रहरी टोलीले चेकजाँचको क्रममा पक्राउ गरेको हो ।