धरान : गौतम बुद्धको उपदेशहरू समेटिएको ‘अनुत्तर उपदेश ज्ञानमाला’ भजन सङ्ग्रह पुस्तक आज मङ्गलवार आयोजित कार्यक्रम बिच भन्ते राहुल महास्थावीरबाट विमोचन गरिएको छ ।

पुस्तक ज्ञानमाला सङ्घ सुनसरीले प्रकाशित गरेको हो । सङ्घ गौतम बुद्धको उपदेशहरू सङ्गीतबद्ध गरी सर्वव्यापीकरण गर्न स्थापना भएको हो ।

धरान-८ बुद्ध बिहारमा आयोजित विमोचन समारोहमा प्रमुख अतिथि भन्ते राहुल महास्थवीरले पुस्तकमा भगवान् बुद्धको उपदेश सबैले अनुशरण गर्न, चित्तलाई परिशुद्ध गर्न बुद्ध उपयोगी भजनहरू सङ्ग्रहित रहेको बताए ।

कार्यक्रम ज्ञानमाला सङ्घ सुनसरीका अध्यक्ष रमला श्रेष्ठको सभापतित्वमा भएको थियो ।