इटहरी : इटहरीमा सम्पन्न नेपाल जेसिजको ५१ औँ महाधिवेशन मार्फत सन् २०२५ को लागी रजनी थापाको नेतृत्वमा कार्यसमिति चयन भएको छ । सोमबार राती सम्पन्न निर्वाचनमा थापा ७६२ मत प्राप्त गर्दै अध्यक्ष निर्वाचित भएकी हुन् ।
निकटतम प्रतिस्पर्धी जीवन कार्कीले ४५३ मत मात्र प्राप्त गरे । ३०९ मतान्तरले विजयी भएकी थापा मनोहरा जेसीजकी संस्थापक अध्यक्ष हुन् ।
नयाँ कार्यसमितिको कार्यकारिणी उपाध्यक्षमा गणेश सापकोटा, एलिना महर्जन, कृष्ण सापकोटा र सौरभ श्रेष्ठ निर्वाचित भएका छन् ।
उपाध्यक्षहरूमा सन्दीप खत्री, दीपक अधिकारी, धनराज कँडेल, सुजन थापा, सङ्गम कार्की, बबिता पाण्डे, अभिषेक दुलाल, सुमित्रा भट्टराई, उज्वल काबरा, सुवास गौतम, राघव कोइराला र मनि प्रसाद अर्याल विजयी भएका हुन् ।
एकबर्षे कार्यकालको लागि निर्वाचित कार्यसमितिले जनकपुरमा हुने ५२औँ महाधिवेशन सम्म काम गर्न पाउने छन् ।
