धरान : डिपो स्कुलको खेल मैदानमा जारी १९औ ललित अम्बर डिपो कपको शनिवार भएको खेलमा कार्मेल हाइ स्कुल, प्रभात इङ्ग्लिस स्कुल र पुलिस स्कुल विजयी भएका छन् ।

कार्मेल हाइ स्कुलले जयसोया स्कुललाई २-० गोल अन्तरले पराजित गरेको छ । दुवै गोल कार्मेलका दर्शन राईले गरे। दोस्रो खेलमा प्रभात स्कुलले धरान लिगामेन्ट स्कुललाई २-० गोलले पराजित गरे ।  प्रभातका सिमन्स शेर्पा र दिशन बराइलीले गोल गरेका थिए ।

अन्तिम खेलमा पुलिस स्कुलले आइडल इङ्ग्लिस वोर्डिङ्ग स्कुललाई ८-० गोलको फराकिलो अन्तरले पराजित गर्‍यो । पुलिस स्कुलका नेयुस खड्काले ५ गोल र सविन बुढाथोकी, अन्सु वास्फोर र सयन राईले १/१ गोल गरे ।

जयसोयाका प्रनिस राई, धरान लिगामेन्टका रामकृष्ण मेहेता र आइडल स्कुलका रिकेश खत्री म्यान अफ द म्याच घोषित भए । आज आइतबार समिट स्कुल र इमानुयल, दिल्ली पब्लिक र नोबेल एकेडेमी, माउन्ट हर्मन र डिपोट निलो र सुनखरि र हिविस्कस स्कुल बिच प्रतिस्पर्धा हुनेछ ।