_1735354691.gif)
धरान : गाँजा बोकेका ५ वटा मोटरसाइकललाई पक्राउ गर्न खोज्दा प्रहरी माथि नै ढुंगामुढा गरी हातपात समेत गरिएकाले प्रहरीले १ राउण्ड गोली फायर गरेर उनीहरूलाई पक्राउ गरेको छ ।
धनकुटाको साँगुरीगढी-९ मा कच्ची सडकमा बुधवार बिहान ४ बजेको समयमा भेडेटारको प्रहरी टोली माथि गाँजा ओसार पसार गर्नेहरूले आक्रमण गरेको हो ।
ढुंगामुडा गरेपछि प्रहरीले एसएलआर राइफलबाट १ राउण्ड हवाई फायर गरी ५ मोटरसाइकल सहित ६ जनालाई पक्राउ गरेको छ । उनिहरुको मोटरसाइकलबाट १२० किलोग्राम गाँजा प्रहरीले बरामद गरेको छ ।
पक्राउ पर्नेहरूमा धनकुटा सहिदभुमी-१ का ३४ वर्षीय नकुल राई, २१ वर्षीय ओमप्रकाश राई, साँगुरीगढी-८ का २८ वर्षीय मङ्गलकुमार राई, २९ वर्षीय बिसन राई, २६ वर्षीय थामबहादुर राई, २१ वर्षीय सुमन राई छन् ।
उनीहरू सवार को ३८ प ३५२२, प्रदेश १-०२-०५३ प ९६६३, प्रदेश १-०२-०५३ प ८६१७, प्रदेश १-०२-०४३ प ९५९६ र को १४ प ७७५० नम्बरको मोटरसाइकल प्रहरीले नियन्त्रणमा लिएको छ ।
उनीहरूलाई जिल्ला प्रहरी कार्यालय धनकुटामा कानुनी कारबाहीका लागि थप अनुसन्धानका लागि राखिएको छ ।
लागूऔषध गाँजा ओसार पसार भइरहेको भन्ने सूचना प्राप्त भएको आधारमा इलाका प्रहरी कार्यालय भेडेटारबाट प्रहरी टोली झिसमिसे बिहानै साँगुरीगढी-९ स्थित कच्ची सडक खण्डमा खटिएको थियो । एकैसाथ आउँदै गरेको ५ वटा मोटरसाइकल चेकजाँचको लागि रोक्दा उक्त घटना भएको हो ।
_1736259134.gif)
_1664681437.jpg)
