झापा : झापाको कन्काईमा खुकुरी प्रहारबाट श्रीमतीको मृत्यु भएको छ भने श्रीमान् घाइते भएका छन् ।
आज बिहान कनकाई नगरपालिका वडा नं. ५ नारायण दल चौकमा खुकुरी प्रहारबाट ३९ वर्षीय लालबहादुर सार्कीकी श्रीमती ४० वर्षीया मनीषा मग्रान्तीको घटनास्थलमा नै मृत्यु भएको हो ।
उनको घाँटीमा चोट देखिएको छ । त्यस्तै श्रीमान् लालबहादुर पनि घाइते छन् । उनको पनि घाँटीमा चोट लागेको छ । घाइते लालबहादुरलाई उपचारको लागि बीएण्डसी अस्पताल बिर्तामोडतर्फ पठाइएको छ ।
लालबहादुरले श्रीमतीको हत्या गरी आफूले आत्महत्या गरेको हुनसक्ने आशङ्का गरिए पनि त्यो पुष्टि भई नसकेको प्रहरीले जनाएको छ ।