_1725945816.gif)
- रश्मि प्रधान
धरान : धरान-१३ की उषा राईलाई उचित न्याय र दोषीलाई कडा कारबाहीको माग गर्दै नेकपा माओवादी निकट अनेम सङ्घ क्रान्तिकारी नगर कार्यसमितिले ध्यानाकर्षण बुझाएको छ ।
आइतबार क्रान्तिकारी महिला सङ्घले इलाका प्रहरी कार्यालय धरानका प्रमुख बुद्ध श्रेष्ठ र इलाका प्रशासन धरानका प्रमुख सन्तोष श्रेष्ठ र धरान उपमहानगरपालिकाको उपप्रमुख तथा न्यायिक समितिका संयोजक आईन्द्र विक्रम बेघालाई ध्यानाकर्षण पत्र बुझाएको छ ।
एकल महिला उषा राईको अमानवीय तरिकाले महिला समूहले कुटपिट गरी केही अखाद्य पदार्थ समेत खुवाइएर मृत्यु भएको घटना प्रति दोषी उपर तुरुन्त कडा कारबाहीको माग राख्दै सत्यतथ्य घटनाको छानबिन सहित दोषीलाई कानुनी कारबाहीको माग गरिएको छ ।
एकल महिलाले पनि आत्मसम्मान बाच्न पाउने अधिकारको माग गर्दै निज उषा राईका सन्तानको उचित लालन पालन र शिक्षाको माग गरेको छन् ।
अनेम सघ क्रान्तिकारी कुनै पनि अमानवीय घटनाको विरुद्ध कम्मर कसेर सधैँ लागि पर्ने भन्दै यथाशीघ्र कडा कारबाही माग गर्दै नगर अध्यक्ष मेनुका खड्काको नेतृत्वमा ध्यानाकर्षण पत्र बुझाएको थियो ।
