धरान : धरान-१५ का ३७ वर्षीय अर्जुन राईलाई प्रहरीले लागुऔषध ब्राउनसुगर सहित मङ्गलवार विराटनगरमा पक्राउ गरेको छ ।
लागुऔषध नियन्त्रण ब्यूरो विराटनगरको प्रहरी टोलीले चेक जाँचको क्रममा १ ग्राम १८० मिलिग्राम ब्राउन सुगर सहित नियन्त्रणमा लिएको कोशी प्रदेश प्रहरी कार्यालय विराटनगरले जनाएको छ ।
झापाको मेचीनगर-६ बाट मे ७ प ४३८८ नम्बरको मोटरसाईकलमा दमक–४ का २२ वर्षीय गोपाल श्रेष्ठलाई २ ग्राम १७० मिलिग्राम लागुऔषध ब्राउनसुगर लागुऔषध नियन्त्रण ब्यूरो काँकडभिट्टाको प्रहरी टोलीले पक्राउ गरेको छ ।
प्रहरीको सोही टोलीले मे ३ प ९५३७ नम्बरको मोटरसाईकलमा शिवसताक्षी-७ का २९ वर्षीय भुवन मिश्र र पछाडि बसेका ३६ वर्षीय सोमनाथ पौडेललाई ५ ग्राम लागुऔषध ब्राउनसुगर सहित पक्राउ गरेको छ ।
यसैगरी सुनसरीको हरिनगरा-७ बाट टेम्पोमा गाँजा ओसार पसार गरिरहेका चालक देवानगंज–२ का २० वर्षीय आलम अन्सारी, सहचालक ४४ वर्षीय मन्जुल मियालाई टेम्पो सहित प्रहरीले पक्राउ गरेको छ ।
इलाका प्रहरी कार्यालय देवानगंजको प्रहरी टोलीले चेकजाँचको क्रममा को १ ह २२६१ नम्बरको टेम्पोबाट ४ वटा बोरामा १०७ किलोग्राम गाँजा बरामद गरिएको हो ।
