धरानः हिन्दु धर्मावलम्बीहरुको वडा दशैको महत्वपुर्ण दिन विजयादमशीको उल्लास सबैतिर छाएको छ । बिहान ९ बजेर ५१ मिनेटमा टिकाको शुभसाइतमा आफ्ना मान्यजनहरुबाट टिका ग्रहण गर्न शुरु भएको थियो ।
विजयादमशीको उल्लास नेपालमा मात्र होइन, विदेशमा रहेका नेपालीहरुमा पनि उत्तिकै छ । विजयादशमीमा परिवारका ज्येष्ठ सदस्य एवं मान्यजनहरुबाट टिका ग्रहण गरेर आर्शिवाद लिने चलन छ । दशै हिन्दुहरुको मात्र भनिएपनि गैरहिन्दु आदिबासी जनजाति समुदायहरुले पनि रमाइलो गरी मनाउने गरेका छन् । अधिकांश आदिबासी जनजातिहरुले सेतो टिका लगाउछन् भने हिन्दु एवं क्षेत्री,ब्रह्मण, नेवारलगायत जातिले रातो अक्षताको टिका लगाउने गर्छन् । यद्यपी, दशै बहिष्कारको नारा पनि लागेको छ ।
दशैको बेला देश विदेशबाट विदा लिएर आउने आफ्ना घरपरिवारमा भेटघाट गर्न आउने चलन छ । साथीभाई, आफन्तजनहरुबीच भेटघाट गरी रमाइलो गरी दशै मनाउने गरिन्छ । असत्यमाथि सत्यको जित भएको प्रतिककोरुपमा पनि विजयादशमी मनाइन्छ । धार्मिकसँगै दशैको साँस्कृतिक, सामाजिक महत्व ठुलो छ ।