 (13)_1727965004.gif)
धरान: आगामी मंसिर १४ गते हुने तय भएको उपचुनावको लागि निर्वाचन आयोगले उम्मेदवारी दर्ताको मिति तोकेको छ ।
आयोगले आज एक विज्ञप्ती जारी गर्दै प्रतिनिधिसभा र प्रदेशसभा सदस्यको ४ वटा रिक्त लागि कार्तिक २१ गते उम्मेदवारी दर्ताको मिति तोकेको छ भने धरान उपमहानगरलगायत अन्य स्थानीय तहको रिक्त ४८ पदमा कार्तिक २७ गते उम्मेदवारी दर्ता मिति तोकेको जनाएको छ । प्रतिनिधिसभातर्फ कास्की क्षेत्र नं २ र प्रदेशसभातर्फ भक्तपुर १ (क), बाग्लुङ २ (ख) र दाङ ३ (ख)को कार्तिक २१ गते बिहान १० बजेदेखि दिउँसो १ बजेसम्म उम्मेदवारी मनोनयन पत्र दर्ता गर्ने मिति आयोगले तोकेको छ ।
यस्तै, साढे १ बजेदेखि ३ बजेसम्म उम्मेदवारको सुची प्रकाशन गर्ने, २२ गते बिहान ११ बजेदेखि अपराह्न ५ बजेसम्म उम्मेदवारको विरोधमा उजुरी दिने, २३ गते बिहान ११ बजेदेखि साढे १ बजेसम्म मनोनयन र उजुरीबारे जाँचबुझ गर्नेलगायतको प्रक्रियाबारे आयोगले विज्ञप्तीमार्फत खुलाएको छ । अन्तिम नामावाली प्रकाशन प्रक्रिया पुरा भएपछि कार्तिक २५ गते निर्वाचन चिह्न प्रदान गरिने आयोगले जनाएको छ ।
यस्तै, स्थानीय तहतर्फ धरान उपमहानगरको प्रमुख, पाँचथरको फाल्ुनन्द गाउँपालिका, संखुवासभाको मकाुल गाउँपालिका र महोत्तरीको पिपरा गाउँपालिकाको अध्यक्ष, हुम्ला जिल्लाको खर्पु गाउँपालिकाको उपाध्यक्ष र अन्य ३४ जिल्लाको ४० स्थानीय तहका ४३ वडाअध्यक्षसहित कुल ४८ रिक्त पदको उपचुनावको लागि कार्तिक २७ गते उम्मेदवारी मनोनयन दर्ता मिति आयोगले तोकेको छ ।
कार्तिक २७ गते बिहान १० बजेदेखि १ बजेसम्म उम्मेदवारी मनोनयन दर्ता गर्ने, साढे १ बजेदेखि ३ बजेसम्म सुची प्रकाशन गर्नेलगायत प्रक्रिया पुरा गरेर ३० गते उम्मेदवारको अन्तिम नामावली प्रकाशन गरेर मंसिर १ गते निर्वाचन चिह्न प्रदान गर्ने आयोगले जनाएको छ । मतदान मंसिर १४ गते बिहान ७ बजेदेखि अपराह्न ५ बजेसम्म हुनेछ ।
