काठमाडौँ: उपसचिव दशरथ धमलाले संघीय संसद सचिवालयको सर्वोत्कृष्ट कर्मचारी पुरस्कार पाएका छन् ।

संसद सेवा दिवसको अवसरमा आज संघीय संसद भवनमा आयोजित बिशेष कार्यक्रममा एक लाख नगदसहित धमलाले सर्वोत्कृष्ट कर्मचारीको पुरस्कार पाएका हुन् । उनले ५ सय जना कर्मचारी मध्ये सर्वोत्कृष्ट पुरस्कार पाएका हुन् । सुचना अधिकृतसमेत रहेका धमलालाई राष्ट्रियसभाका अध्यक्ष गणेशप्रसाद तिम्सिनाले पुरस्कार हस्तान्तरण गरेका थिए ।

dhamala1

हरेक वर्ष संसद सेवामा उत्कृष्ट काम गर्ने कर्मचारीहरूलाई पुरस्कृत गरिन्छ। कार्यसम्पादन मूल्यांकनका आधारमा कर्मचारीलाई पुरस्कृत गरिन्छ। सचिवालय संचालन तथा व्यवस्थापन समितिले पुरस्कृत हुने कर्मचारीको नामलाई अन्तिम रुप दिने गरेका छन् ।

सोही कार्यक्रममा ७५ हजार रुपैयाँको उत्कृष्ट कर्मचारी पुरस्कार रेणुका सुवेदीले प्राप्त गरिन् । जनही ५० हजार रुपैयाको संसद सेवा पुरस्कार संघीय संसद सचिवालयमा कार्यरत कर्मचारीद्धय जंगबहादुर मगर र गम्भीरमान सिंहले पाए । संसदको वृहद सेवा पदक संसद सचिवालयका महासचिव मनोहरप्रसाद भट्टराईलगायत ३७ जनाले पाए । यो पदक संसद सेवामा ३० वर्ष काम गरेका कर्मचारीलाई दिने गरिन्छ ।