 (13)_1727965004.gif)
धरान: राजनैतिक विश्लेषक डा. सुरेन्द्र केसीले धरानका नवनिर्वाचित मेयर तिलक राईलाई भेटेर शुभकामना दिएका छन् ।
धरान ८ का मतदाताहरुसँग भेटघाट तथा आभार प्रकट गर्ने घरदैलो कार्यक्रममा ब्यस्त रहेका मेयर राईलाई भेटेर डा.केसीले राजनैतिक आग्रह तथा पुर्वाग्रह नराखी जनअपेक्षा अनुसार काम गर्न पनि आग्रह गरे । मेयर राईलाई भेट्न डा. केसी उनको घरदैलो कार्यक्रमस्थलमा नै पुगेका थिए । कम्युनिष्टको गढमा पहिलो पटक कांग्रेस उम्मेदवारले मेयरमा जितेपछि डा.केसी बधाई तथा शुभकामना दिन शनिवार काठमाडौंबाट धरान आएका थिए ।
डाक्टर केसीले देशभर मेयर राईको चर्चा सुनेपछि उनी कस्ता व्यक्ति रहेछन् भनेर कौतुहलता जागेकोले प्रत्यक्षरुपमा भेट गर्न धरान आएको बताए । डा.केसीले मेयर पद साझा भएकोले राजनैतिक दलको आधारमा पक्षपात नगरी नगरबासीको हितमा कार्य गर्न सुझाव दिए ।
डा.केसीलाई धन्यवाद दिदै मेयर राईले जनता माझ सेवककोरुपमा रहेर काम गर्ने बताए । उनले धरानको विकासमा राजनीति नगर्ने र अन्यलाई पनि गर्न नदिने धारणा राखे । विकास निर्माणको काम जनतासँग मिलिजुली गर्ने मेयर राईले बताए । मंसिर १४ गतेको उपनिर्वाचनमा मेयर विजयी भएका राईले मंसिर ३० गतेसम्म मतादाताहरुलाई घरदैलो मार्फत धन्यवाद दिने कार्यक्रम राखेका छन् ।
