धरान: धरान उपमहानगरपालिकाको मतगणनामा गठबन्धनका उम्मेदवारले सुरुवाती अग्रता लिएका छन् । वडा नम्बर १ र २ को एक/एकसय मत गन्दा गठबन्धनका तर्फबाट काँग्रेसका मेयरका प्रत्याशी किशोर राईले ७१ मत प्राप्त गरी सुरुवाती अग्रता लिएका छन् । 

मेयरमा स्वतन्त्र उम्मेदवार बनेका हर्क सम्पाङ्ले ५८ मत प्राप्त गरेका छन् एमालेकी मञ्जु भण्डारीले ३६ मत प्राप्त गरी तेस्रो स्थानमा छिन । उपमेयरमा माओवादी केन्द्रका अइन्द्र बेघाले ७६ मत प्राप्त गरेका छन् । एमालेका पदम लिम्बुले ४४ मत प्राप्त गरेका छन् ।
वडा नम्बर १ को अध्यक्षमा काँग्रेसका यज्ञमणि आचार्यले ४९ मत प्राप्त गरेका छन् । यहाँ राप्रपाका रोशन अधिकारीले २३ मत प्राप्त गरेका छन् । वडा नम्बर २ मा काँग्रेसका सुधीर लिम्बू र एमालेका रमेश राईले समान ४७/४७ मत प्राप्त गरेका छन् ।