‘साँस्कृतिक सम्पदाले जीवन सुदृढ हुन्छ’:राष्ट्रपति

इटहरी: राष्ट्रपति विद्यादेवी भण्डारीले साँस्कृतिक सम्पदाले स्थानीय मानिसको जीवन सुदृढ हुने बताएकी छिन् ।

इटहरीमा आईतबार आयोजित अन्तराष्ट्रिय महामहोत्सव श्रीकृष्ण प्रणामी मन्दिर मुक्तिधाम उद्घाटन समारोहमा सम्बोधन गर्दै राष्ट्रपति भण्ण्डारीले सो कुरा बताएकी हुन् । ‘सांस्कृतिक सम्पदाले यो क्षेत्रको गौरव मात्र हैन, यहाँका स्थानीय जनसमुदायको जीवन पनि सुदृढ र सुखी हुन्छ,’राष्ट्रपति भण्डारीले भनिन्,‘यस्ता रचनात्मक गतिविधि हुँदै जानु सह्रानीय छ ।’

उनले इटहरी औद्योगिक नगरको रुपमा बिस्तार हुँदै गएको बताउँदै यस्ता सुविधायुक्त र सांस्कृतिक सम्पदाले जनसेवामा ठूलो सहयोग पुर्याउने विश्वास ब्यक्त गरिन् । ‘नेपालको पहिचानलाई विश्वमा स्थापित गर्न सघाउ पुर्याउने भएकाले यस्ता कार्यक्रमको आयोजना भईरहनुपर्छ,’ उनले भनिन्,‘प्रदेश १ युगौदेखि कला र साँस्कृतिक क्षेत्रको रुपमा अब्बल छ ।’ यसको उचित संरक्षण र प्रबर्धनका निम्ति सम्बन्धित पक्षको ध्यान जानु आवश्यक रहेको बताउँदै यहाँ बृक्षारोपण र बगैँचा निर्माण गर्नुपर्ने उनले बताईन् । ‘भौतिक संरचना निर्माण गर्दा अपाङ्गमैत्री हुन पनि आवश्यक छ,’ उनले भनिन्, ‘पर्याबरणीय सन्तुलन कायम राख्न पनि ध्यान दिनुपर्ने हुन्छ ।’

धर्मशाला, क्रियापुत्री भवन समेत यहीँ रहेकाले जनसेवामा ठुलो टेवा पुर्याउने बताउँदै यहाँ धार्मिक पर्यटनको पनि बिकास हुने उनले बताईन् । ‘पर्यटकीय सुविधाका हिसाबमा सम्बन्धित निकायको ध्यान पुग्ने अपे्रक्षा लिएको छु, हाम्रो मौलिक पहिचानले बिश्वमा स्थापित गर्न महत्वपूर्ण सहयोग पुग्नेछ,’भण्डारीले भनिन् । कार्यक्रममा प्रदेश १ का मुख्यमन्त्री शेरधन राईले र्धमको प्रचार मात्रै नभएर मानवीय सेवामा पनि टेवा पुग्ने बताए । उनले भने,‘यो कार्यक्रमले धर्मको प्रचार मात्रै भएको छैन, मानवीय सेवामा पनि निहीत कार्यक्रम भएको छ ।’

प्रदेश सरकारले पनि प्रणामी मन्दिरलाई विशेष महत्वका साथ हेरेको बताउँदै राईले मानवीय सेवाको थालनी हुनु् अनुकरणीय रहेको बताए । महिला तथा बालबालिका मन्त्री थममाया थापा, संघीय मामिला मन्त्री लालबाबु पण्डित प्रदेश १ का प्रमुख प्रा. डा गोविन्द तुम्बाहाम्फे लगायतले शुभकामना मन्तब्य राख्दै धार्मिक हिसाबले पछिल्ला दिनहरुमा शंका उपशंका उब्जिरहेका बेला आस्था र सेवाको भावले यस्ता कार्यक्रम हुनु सह्रानीय रहेको बताए । ‘संघीय सरकारले बुढीखोलामा आउने बाढीबाट हुने क्षतिको नियन्त्रणका लागि डिपिआर तयार गरिरहेको छ,’ संघीय मामिला मन्त्री पण्डितले भने ।

सोही कार्यक्रमको अवसर पारेर मुल आयोजक समितिका अध्यक्ष हेम प्रसाद घिमिरे, राधादेवी भण्डारी, भीम पौडेल र शान्त कृष्ण दास महाराजलाई मन्दिर निर्माण गर्नका लागि महत्वपूर्ण टेवा पुर्याएको भन्द्यै राष्ट्रपति भण्डारीले खादा ओढाएर सम्मान पत्रले सम्मान समेत गरिएको थियो । उक्त मन्दिर करीब ७ करोड लागतमा निर्माण गरिएको अध्यक्ष घिमिरेले जानकारी दिए ।