धरान: केन्द्रीय प्रविधि क्याम्पस हात्तिसारमा ६ दिने जोग्राफिक इन्फर्मेसन सिस्टम (जिआइएस) तालिम आज सम्पन्न भएको छ ।

नेपाल सुक्ष्मजीव विज्ञान विद्यार्थी समाज माइक्रोबायोलोजि (एनएसएएम)को आयोजना तथा नेचर कन्जरभेसन रिसर्च सेन्टर(एनसिआरसि)को सहयोगमा तालिम आयोजना भएको थियो । गएको शुक्रबाट भएको तालिमले विद्यार्थीहरुको अनुसन्धान गर्ने क्षमतामा सहयोग पुर्याउने, जिआइएस सम्बन्धी ज्ञान, प्रयोग, अनुसन्धानमा यसको महत्व, रिसर्च डिजाइन, म्याप मेकिङ, डाटा भिजुअलाइजेसनलगायतमा सहयोग पुग्ने सहजकर्ता जिवन राइले बताए । उक्त तालिममा रार्इसँगै एनसिआरसिका कबिराज खतिवडा, रबिन केसीले पनि समेत सहजीकरण गरेका थिए ।

सहायक क्याम्पस प्रमुख डा दिलकुमार लिम्बुले क्याम्पसले गर्नुपर्ने काम एनसामले गरेको भन्दै खुशी व्यक्त गरे । उनले अनुसन्धानको क्षेत्रमा तालिमले सकरात्मक सहयोग पुग्ने धारणा व्यक्त गरे । तालिम विद्यार्थीहरुलाई मात्र नभै प्राध्यापकहरुको लागि पनि महत्वपूर्ण रहेको तालिममा सहभागी जिब बिज्ञान संकायका बिभागिय प्रमुख सह प्राध्यापक गणेश तामाङ्ले बताए।

एनसामको काम अत्यन्तै राम्रो भएको र यस्ता कार्यक्रमको लागी बिभागले सधै सहयोग गर्ने माइक्रोबायोलोजिका बिभागिय प्रमुख धिरेन सुब्बा लिम्बुले बताए। तालिम अत्यन्तै महत्वपूर्ण रहेको र आगामी दिनमा अनुसन्धानको क्षेत्रमा सहयोग गर्ने स्नातकोत्तर माइक्रोबायोलोजि फाइनल सेमिस्टरमा अध्यनरत तथा तालिमका सहभागी सुस्मिता फत्तेपुरिले बताइन् । तालिममा कार्यक्रममा २१ जना विद्यार्थी सहभागी थिए ।