_1725945816.gif)
धरान : धरान स्थित यमाहाको आधिकारिक बिक्रेता विजयपुर ट्रेडर्सले अन्तर्राष्ट्रिय नारी दिवसको अवसर पारेर जेडआर सिरिजका स्कुटरहरूको माइलेज च्यालेन्ज प्रतियोगिता सम्पन्न गरेको छ। यमाहाको सोरुम धरान भोटेपुलबाट सुरु भएको उक्त च्यालेन्ज प्रतियोगिता धरानको जिरो प्वाइन्ट, भेडेटार हुँदै थुम्कीमा पुगेर समापन भएको थियो ।
उक्त माइलेज च्यालेन्ज प्रतियोगितामा ३४ जना प्रतियोगीहरूको सहभागिता रहेको कम्पनीले जानकारी दिएको छ । प्रतियोगितामा सबैभन्दा बढी प्रति किलोमिटर ५४.४४ माइलेज ल्याउने श्रीमती फुरदिकी शेर्पा प्रथम भएकी छन् । त्यस्तै गरी ५४.४४ प्रति किलोमिटर माइलेज ल्याउने चन्द्र श्रेष्ठ द्वितीय र ५४.१९ प्रति किलोमिटर माइलेज ल्याउने रोशन कुमार तृतीय स्थान प्राप्त गरी विजयी भएका छन् ।
उकालो तथा ग्राभेल बाटोमा पनि यमाहाको १२५ सिसीको एफआई स्कुटरले राम्रो माइलेज दिन्छ भनेर प्रमाणित गर्न कार्यक्रम आयोजना गरिएको विजयपुर ट्रेडर्सका सञ्चालक प्रभाव खतिवडाले जानकारी दिए ।
कार्यक्रमका एमएडब्लु इन्टरप्राइजेजका रोविन श्रेष्ठ, कुन्दन भण्डारी, सर्भिस इन्जिनियर अर्जुन पाण्डे लगायतको उपस्थिति रहेको थियो । अन्य स्कुटरको तुलनामा यमाहाका स्कुटरहरू राम्रो माइलेज दिने भएकाले पेट्रोलियम पदार्थको मूल्य वृद्धिमा पनि केही राहत मिल्ने सञ्चालक खतिवडाले बताए ।
