बृक्षारोपण आयोजना बन्यो चमेराको बासस्थान

झापा । झापाको रतुवामाई बृक्षारोपण आयाजनाको परिसर चमेराको बासस्थानका लागि उपयुक्त थलो बनेको छ । पर्यावाणका लागि महत्वपुर्ण भुमिका खेल्ने चमेरा लामो समय अघिदेखि यस स्थलमा बस्दै आएका छन् । लामखुट्टे, भूसुना, जस्ता जीवहरु खाई पर्यावरणमा ठुलो भूमिका खेल्ने चमेरा सुरक्षीत स्थल भएका कारण रतुवामाई बृक्षारोपण आयोजनाको परिसरमा बस्दै आएको हुन सक्ने स्थानियले बताएका छन ।

२० बर्ष अघिदेखि बस्दै आएको स्थानिय बासिन्दा लाखबहादुर मावो लिम्बुका अनुसार अधिकाँस क्षेत्रमा पाइने यो प्राणी मानविय चेतनाको कमी र सुरक्षीत वासस्थानका अभावका कारण सिमित क्षेत्रमा आफूलाई सुरक्षीत राख्न वाध्य भएका छन् ।

गुफा, ओढार तथा अग्ला वृक्ष लगायत क्षेत्रमा वस्न रुचाउने यो प्राणी दिनभर झूण्डीयर वस्ने र साँझ परेपछि आहाराको खोजीमा निस्कन्छन् । अग्ला रुख मासीनाले चोरी सिकारीको असरका कारण सुरक्षीत स्थलको खोजीमा यस आयोजना वरीपरिका रुखहरुमा वस्दै आएका हुन सक्ने आयोजनाका लेखापाल युवराज कार्कीको भनाई छ । लामखुट्टे, भूसुना, जस्ता जिवहरु खाई किसानलाई सहयोग पुर्याउने  तथा फल ओसार्दा टाढा टाढा सम्म विज छर्ने र कतिपय वोटविरुवामा परागशेचन लगायत पर्यावरणमा ठुलो भूमिका खेल्ने आयोजना प्रमुख खेमलाल बिश्वकर्माको भनाई छ ।

एउटा मांसाहारी चमेराले १ रातमा सरदर २ हजार लामखुट्टे जन्य किराहरु खाई पर्यावरण सन्तुलनमा भूमिका खेल्ने भएकाले यसको अभावमा प्रकृति नै संकटमा पर्ने साना स्तनधारी संरक्षण तथा अनुसन्धान फाउन्डेसन काठमाडौका सदस्य तथा चमेरा विद दिव्य राज दाहालले बताए ।

केही फलफूल र साग सव्जी खाई क्षति पुर्याउने भएता पनि वालीमा लाग्ने किटपतङ्ग खाई लाभ पुर्याउने भएकाले कृषकहरुकालागि त चमेराहरु वरदान नै मानिन्छन् ।

भारत, श्रीलङ्का, र चिनमा चमेरा लाई लक्ष्मी र शुभ संकेतको रुपमा मानिन्छ । अमेरीकामा यसको महत्व वुझेर चमेरा वसेको पुराना घरहरु सरकारलेनै किनेर संरक्षण गर्ने गरेको विज्ञहरु वताउ“छन् ।

पहिला यत्रतत्र पाइने चमेरा अहिले झापाको केर्खा, मोरङको डंग्राहा र जिल्ला प्रशासन छेउछाउ, सुनसरीको ईटहरी आर्मीक्याम्प, कोशीटप्पु वन्यजन्तु आरक्ष, काठमाण्डौको मीन भवन एरीया, भक्तपुरको सल्लाघारी, पोखराको चमेरे गुफा, खोटाङको हलेशी गुफा, संखुवासभाको वालेश्वर लगायत क्षेत्रमा सिमीत छ ।