धरान : सिटी फुटबल क्लबको आयोजनामा पहिलो पटक नगर अन्तर क्लब मदन भण्डारी स्मृति महिला फुटबल प्रतियोगिता हुने भएको छ ।
क्लबका अध्यक्ष प्रेम घिमिरे सागरले बुधवार पत्रकार सम्मेलनमा क्लबका अध्यक्ष प्रेम  घिमिरे उक्त जानकारी दिएका हुन । प्रतियोगिता असार ६ देखि १४ गते सम्म घरान रङ्गशालामा हुनेछ । 
धरानको फुटबलको इतिहासमा पहिलो पटक अन्तर क्लब महिला फुटबल प्रतियोगिता हुन गइरहेको अध्यक्ष घिमिरेले बताए । महिला फुटबलको विकास र व्यवसायीकरणका लागि संस्थागत प्रवर्द्धन गर्न प्रतियोगिता आयोजना गरिएको उनले बताए ।
प्रतियोगितामा धरानका ८ महिला फुटबल क्लबहरू एलस्टार फुटबल क्लब, प्रगतिशील फुटबल क्लब, धरान वुमन्नेस फुटबल क्लब, सिङ्गमी फुटबल क्लब, पट्नाली फुटबल क्लब, धरान १३ फुटबल क्लब, धरान ४ फुटबल क्लब, फेयर फुटबल क्लब सहभागी रहने बताइएको छ ।  
विजेताले नगद ५० हजार, उपविजेताले नगद २५ हजार सहित ट्रफी प्रमाणपत्र प्राप्त गर्नेछ । प्रतियोगितामा व्यक्तिगत विधा उत्कृष्ट खेलाडी,उत्कृष्ट गोल किपर,उत्कृष्ट डिफेन्स,उत्कृष्ट मिड फिल्ड,उत्कृष्ट गोलकर्ता, उदयमान खेलाडीलाई नगद ५ हजार पुरस्कार प्रदान गरिने छ ।
प्रतियोगिता अवधिभर हरेक दिन खेलको म्यान अफ द म्याचलाई नगद र ट्रफी प्रदान गरिने छ । उत्कृष्ट कोच तथा उत्कृष्ट टिमलाई पनि नगद पुरस्कार प्रदान गरिने बताइएको छ ।